陳偉霆買樓Baby冇份

陳偉霆昨日為無綫娛樂新聞台拍攝賀年節目，對於曾傳緋聞的Angelababy表示斥資八位數買豪宅，他稱對方沒有提及故不知情，問到以前有否談過買樓，他說：「供樓呢啲要係結咗婚先會買畀太太囉。（佢有資格做太太？）都係朋友o架。（諗過昇華？）無。（Baby喜歡熟男？）咁我未夠成熟同穩重，呢啲要過咗三十歲先有。」他又表示物色山頂區物業送給母親，又正籌備開辦一間兒童跳舞學校，自己當導師。