陳小春被傳將在農曆新年間與女友在美國註冊結婚，昨日他出席化妝師好友Rick Chin的沐浴護膚品牌新店開張活動，回應傳聞時表現害羞，連林心如亦嘲他怕醜。問陳小春是否到美國度蜜月時，他無奈地說：「唔答嘞，多謝大家，唔好意思總之唔講得。（另有苦衷？）天意。」問到天意是否指女友懷有身孕，他又說：「多謝，唔好意思，唔講得。（仲有個多月才講得？）係囉，多謝。（搵奶粉贊助？）唔係呀，呢啲都要人贊助，買唔起咩。無奶粉咪飲人奶囉。」
心如除否認曾與侯佩岑男友拍拖外，又透露因工作關係與唐季禮已沒密切聯絡，問她會否覺可惜？她說：「大家都係朋友。（下次找圈外人？）不一定，最重要係互相了解和能溝通。」她又稱不清楚趙薇傳懷孕隱居一事，但若屬實會恭喜對方。另外，張栢芝和謝霆鋒送上心意卡，內附夫妻合照和兒子Lucas可愛照。