古天樂昨日以壓軸嘉賓身份出席運動店開幕，獲大會頒發「完美型男之星」獎及一架Mini Cooper系列閃石單車。古仔表示習慣在晚上跑步及踩單車，不過看到這架名貴單車後，笑言擔心會被打劫。
另外，早前古仔與熊黛林（Lynn）應婚紗雜誌《大日子darizi》邀請拍封面。由於今年情人節撞正大年初一，古仔直言十分「惡搞」，他說：「今年我會同屋企人過，但情人節同大年初一係同一日，感覺上今年冇咗情人節。對於有情人嘅人嚟講，真係有啲『惡搞』！」Lynn則表示新年飛返南京度歲，她稱不怕被家人催婚：「依家人成熟咗，唔怕遲婚，但係依家未成熟到可以擔起一個家。」
