模特兒Jessica C.、林莉、沈卓盈（Jess）、名模Rosemary、泰國小姐Kwang F等，昨日與型男古天樂以及Square成員Brian出席又一城的Giga Sports旗艦店開幕。眾女星女模示範了多款運動裝、瑜伽服以及三點式泳衣，毫不吝嗇齊齊晒胸，施展渾身解數大賣性感博出位。

沈卓盈表示滿意今次酬勞，不介意性感示人。	身材高挑的林莉行騷時功架十足。	Brian（右）拖着小朋友示範運動新裝。

想與古天樂合作

論搶鏡指數，當然是有「警鐘胸」之稱的Jessica C.「殺晒」！身穿短裙的Jessica C.甫坐下便露春光，雖她已用手遮掩，可惜仍百密一疏。之後她與林莉及Rosemary穿上三點式泳衣「火併」，Jessica C.「警鐘胸」一出，誰「乳」爭峰？

身材不俗的Rosemary穿上三點式，沒有谷出「警鐘胸」比較失色。

身穿短裙的Jessica C.頻頻用手遮掩。

港姐出身的林莉身材夠高挑，勉強「頂得住」，但名模Rosemary因樣貌成熟，身材又不似Jessica C.般「胸」湧，即時被比下去。反而身穿運動服的沈卓盈示範瑜伽動作時，因頻頻烏身，將其豐滿身形表露無遺，甚有睇頭！

Jessica C.接受訪問時，謙稱自己身材不算最好：「每個女仔都有佢嘅味道，服裝係配合性格，個個都好fit。（覺得古仔點呀？）我好欣賞佢，佢好勤力。（係咪你偶像？）都可以咁講，香港明星好nice。（想唔想同佢合作？）都想呀，不過要學好廣東話先，真係好難學。」

沈卓盈暴飲暴食

沈卓盈自稱早前在日本暴飲暴食，增磅不少，要狂做運動keep fit。她又稱今次酬勞較以前多幾倍，故肯以性感打扮示人。問沈卓盈對自己身材是否滿意？她笑言：「條腰可以再幼一啲。（上圍呢？）滿意。（想挑戰Jessica C.？）唔可以咁講，OK嘅，個個都靚。（有冇留意佢嘅警鐘胸？）冇留意，我掛住換衫。」

文：影視組