張衞健（Dicky）昨錄影《志雲飯局》，由於他與陳志雲（陳總）是中學校友，二人特意約好齊齊穿校服現身。對於好友安仔被指夜會舊愛盛傳復合，「安嫂」Michelle地位不保，Dicky起初不願回應，更扯開話題謂：「咁大個人，談情說愛嘅嘢自己搞掂啦！」及後逃不過記者一再「逼供」，才「屈服」力證安仔與女友Michelle情未變：「嗰晚我都有去安仔度，佢（安仔）女友都喺度。」對於梁漢文指已有一段時間沒見Michelle，健仔即說：「我都好耐冇見佢，但有聽過佢把聲，佢哋冇分手，有時我打畀安仔，都聽到佢女友把聲喺側邊。」Dicky及後又強調安仔與舊愛沒有復合：「如果復合唔會約咁多人啦！翻撻唔使啦！（翻撻先要呀！）我又無翻撻過，好馬不吃……（意思好馬不吃回頭草）吖嘛！（咁安仔係咪好馬？）佢係好馬。」

許志安被指與女友情變，但張衞健力證無其事。

陳志雲與張衞健分屬校友，特登找來校服搞搞新意。

否認劇集爛尾

另外，對於無綫被指加薪幅度未達早前宣布之5%一事，陳總昨無奈說：「應該人工低嘅加薪幅度會高啲，某啲高層冇得加，我都冇加好多年。」他又否認《巾幗梟雄之義海豪情》如傳聞所指般「爛尾」，並正色道：「我哋會畀律師睇睇，保留法律追究權利。我哋係有幕後離開，但爛尾一定唔會，呢個對我哋商譽有影響。」

文：影視組