佘詩曼、阮經天女友許瑋甯、名模Mandy Lieu、林莉和劉翔師妹張靜昨日為上水廣場「金玉情緣Catwalk Show」擔任模特兒行騷，阿佘以壓軸姿態亮相，備受重視。工作接不停的阿佘，在新一年的開始，檔期已排到九月，事業得意的她，被問到會否買樓置業，她說：「想買嚟投資，但冇諗過買邊度！」雖然未有目標，但阿佘睇中戴來行騷價值十六萬元的翡翠鑽戒，更有意買來氹媽咪高興：「考慮緊買，要睇吓媽咪鍾唔鍾意，又睇吓有冇折扣啦。」

Mandy不忘護舊愛

與台灣型男陳柏霖甩拖的Mandy，封口不提分手原因，她說：「唔想講太多細節。」被問到陳柏霖未有承認已分手，Mandy不忘替舊愛打圓場：「可能佢公司唔知，總之大家係和平分手。」她又強調與第三者無關。

由台灣來港的許瑋甯因與王力宏、吳建豪和汪東城先後傳出緋聞而被封為緋聞女王，她大呼：「唔係，我哋喺工作上認識，做到朋友係好難得！」至於跟阮經天的關係，她就以好好朋友來交代，又透露有時間的話會到對方家拜年。

文：名人組