中巴早前被拍到夜會新歡Sam Sha，前晚她出席夜店Beijing Club兩周年派對，表示未開始當模特兒時，也會蒲夜店：「當時啱啱嚟香港，對蘭桂坊有好奇心。」問到有否試過被男生搭訕時，她風騷地說：「實會有，不過我有成班朋友睇住。（點撩你？）都係請我飲嘢同問我攞電話，但到目前為止我都唔會同呢啲人單獨出街。（有冇畀電話？）冇，始終唔識佢哋。」

中巴自言酒量ＯＫ，但自做了模特兒後，為保持狀態，已甚少飲酒。

放大圖片

陳見飛愛上佛教徒

同場陳見飛心情甚佳：「我識咗個男仔，佢好乖，唔鍾意出嚟夜蒲，不過佢係佛教徒，同我嘅信仰唔同，我要去教會問吓點處理。（開始拍拖？）未，但大家都有意思，我哋係家族朋友，識咗好多年。」

鍾蕙芝力撐男友人

而鍾蕙芝對早前與南亞裔男友人夜蒲，對方跟女記者起衝突一事，即為對方講好說話：「佢係幕後人，當晚係見義勇為幫我，如果有需要我會幫佢向警方求情。」

文：名人組