有傳金牌大風（下稱金牌）為壯大實力，盛邀各路人馬加盟，最近本報收到消息指商界名人龐維仁入股金牌，據說龐維仁帶同外國資金，並且有一名女新人歌手加盟，而去年六月曾拍下他與金牌老闆鄭東漢及幾名外籍人士在福臨門晚膳，相信當時已傾談合作事宜，據傳一直與鄭東漢不和的金牌香港區主席的Paco，會隨着龐維仁入股而離開金牌。

龐維仁坦承與胡敏珊再見亦是朋友。（資料圖片）

鄭東漢（右）及陳輝虹日內會公布龐維仁入股消息。

做回朋友互相關心

龐維仁沒有否認傳聞：「佢哋安排緊，遲啲會一次過公布。」而問到金牌CEO陳輝虹是否下星期公布消息，他說：「好快啦，（龐會帶一個女新人入主？）唔係，（注入外國資金？）日內會公布啦！」

此外，龐維仁與鐘錶界美女胡敏珊結束兩年情，女方已有新外籍男友，二人均承認分手一事，龐維仁說：「我哋目標與生活睇法唔同，分手後仲係好朋友，會關心對方。」胡敏珊的回應也一樣：「因為大家理想同目標唔同咗，但仍然係好朋友。（嗰個外籍男士係咪新男友？）最緊要開心，好開心有呢個異性朋友，（同龐生分開可惜？）大家都有過快樂嘅日子，佢都有煮過飯我食，大家都係錫對方，會互相關心，我新店開張佢都有嚟到，唔係好朋友都唔會嚟啦。」

吳雨霏高陞頭拜年

金牌有新景象，旗下歌手鄧麗欣與吳雨霏則工作如常，昨一同為品牌VEEKO拍攝新裝硬照，兩人頭飾被笑似雀巢，吳雨霏笑說是步步高陞頭，而鄧麗欣表示最怕撞衫，試過在無綫活動撞衫，搞到要即時找同事去攞過件衫，甚為狼狽。

文：音樂組