Angelababy、詩雅、劉若英前日為商場擔任亮燈嘉賓，並為電影《全城熱戀熱辣辣》宣傳，今年農曆年初一亦是情人節，三女特寫下愛的留言，Baby在紙上寫下給fans及家人的「Love you forever！」何不留言給William？她說：「因為佢係我朋友，應該寫三個f，fans、friend同family，今日有fans嚟支持，朋友就冇嚟，所以fans緊要啲。」

劉若英承認有人暗戀她。	左起：Baby、劉若英及詩雅同擔任亮燈嘉賓。	Baby（左）與劉若英分別寫下愛的留言。

「不嬲都咁大膽」

William為Baby澄清跟avex老闆松浦勝人之緋聞，Baby說：「咁係唔係吖嘛，我見老闆都唔過五次。（William話你主動向佢澄清喎?）有咩？冇呀。」William近期言論愈見大膽，更揚言跟她有愛冇性，Baby說：「咁我哋一路都係朋友，愛都係朋友之間嘅愛，呢個問題真係好尷尬。（覺唔覺佢講得好露骨？）都少少，不過，佢不嬲都咁大膽，我同佢近排都少溝通。（覺得佢借你宣傳？）我唔會咁諗朋友，不過，我覺得啲說話唔係佢直接講。（係記者問，佢答。）咁佢答得好好喎。」今年農曆年初一兼情人節，Baby笑言會過雙失情人節，不過並非第一年冇情人，大部分情人節她都是單身。

劉若英隨時嫁？

另外，昨有指Baby因叫價太高，被叫價平過她很多的女model「截胡」為《Tokyo Fashion Festa 2010》行Show，Baby對此表示不知情，連自己的叫價亦不清楚，而她因有工作在身，故當天沒有行該時裝騷。

因腳傷小休一年的劉若英，前日貪靚穿上高跟鞋，她寫愛的留言是「對我喜歡的人說：我們戀愛吧！」令人覺得她像跟暗戀對象示愛，她予以否認，卻說應該有人暗戀她，她說：「以前有男仔同我講好sweet情話，可惜唔鍾意佢，只甜蜜了一分鐘。」對李心潔即將結婚，劉若英說：「大家係好姊妹，當然會幫手，但暫時仲未討論過，我驚我會快過佢。」

文：影視組

有此一著

人氣潮模Angelababy指今年春夏應該會流行一些colorful的短裙，而她本人很喜歡色彩繽紛的服飾，因冬季的衣服太沉太黑，今年的春夏裝應該興一些粉藍、粉紅同粉黃的pastel顏色。至於衣服配襯方面，Baby覺得恤衫加上colorful短裙已經好靚同好青春，活力十足。