最近有孕婦接種豬流感疫苗後流產，令不少孕婦誠惶誠恐。已懷胎五月的張栢芝，得悉報道後亦大叫怕怕，她表示寧願服維他命丸及早睡早起，也不願打針，誓保「鋒芝B」安全。
近日有孕婦接種豬流感疫苗後胎兒不保，令市民對疫苗失去信心，消息更令孕婦惶恐不安。懷孕五月的張栢芝，亦有留意報道，她還開腔承認不敢打流感針，她說：「我會食多啲維他命丸，仲有早睡早起，我會好好調理身體。」
對於老公謝霆鋒經常在外拍戲，容易接觸細菌，栢芝說：「屋企有小朋友，我會叫佢返屋企後，立刻洗手同沖涼，我亦會確保個人衞生。」
「呢一胎特別大」
栢芝好友兼化妝師Rick Chin，昨日與鍾嘉欣及台灣模特兒林可彤，出席「Max Factor纖長美感睫毛膏」活動，Rick表示栢芝佗B進度理想，兩人日前才晚膳。談及有孕婦打流感針後流產，Rick踢爆栢芝不敢打針，外出時會戴口罩以防中流感，問及栢芝是否不停進補？他說：「要多謝佢老爺（謝賢）同奶奶（狄波拉），又翅又雞湯，令呢一胎特別大。」至於栢芝愛兒Lucas知否快做哥哥，Rick說：「唔知佢知唔知，不過佢有摸住栢芝個肚講I Love You﹗」
另外，Rick大搞護膚品生意，早前更邀得栢芝為他拍廣告，他表示原來栢芝再度懷胎初期，曾邊跳彈床邊拍廣告，如今想起也不禁捏一把汗，他說：「拍嗰陣佢仲好Slim（纖瘦），仲估緊有同冇之間，依家計番日期，諗起都一額汗，萬一有乜事要負責任。（酬勞幾多？）佢冇收錢，只係要求我搞個慈善活動，為乳癌中心籌款。」
籌款活動
Rick表示該籌款活動於下周一舉行，並已邀請陳小春、Angelababy及林心如等影相籌款，他又稱栢芝亦擬出席，但為免造成混亂，Rick婉拒對方美意。
此外，鍾嘉欣透露計劃於年底舉行迷你音樂會，至於會否邀請緋聞男友林峯？她說：「想呀，但佢依家好忙，希望到時請佢上台唱歌。」
文：專案組