衞蘭（Janice）前晚與師弟李治廷現身頒獎禮，對於有傳因在勁歌頒獎禮上捧蛋，拒絕接受TVB及有線訪問，兩人由唱片公司高層王凱文及張家豐陪同下接受文字記者訪問，全程以官腔回答有關問題，似乎有備而來。問Janice會否擔心得罪TVB？她說：「唔清楚，同公司有默契，總之交由公司決定，有得出碟已經好開心。（減少入屋機會？）冇得擔心，平日都唔會諗，（是否因為冇獎先咁做？）冇諗呢啲嘢！」
此外，Janice獲安排亮相昨晚的《勁歌金曲》錄影，王凱文即謂：「證明我哋同TVB冇問題，喺電視城入面我哋會接受訪問，不過只限有關音樂嘅話題，牽涉四大唱片公司問題都唔會答。」而Janice在整個訪問中表現無奈，不時嘆氣說：「好亂、好複雜！」