楊千嬅、張國立及韓雨芹昨日為新劇《鐵齒銅牙紀曉嵐IV》宣傳，早前有指千嬅在拍攝《鐵》劇時忽然變配角，角色又突然變為要死，千嬅說：「由頭到尾都係要死嘅，一向都係客串，我拍死嗰場戲仲𢭃咗好多封利是！呢啲實有人寫o架喇，唔通寫我身形暴索，演技大進咩！」
千嬅表示將與林峯拍攝新片，二人更會譜出「姊弟戀」，她笑言結婚之後好像做了姊弟戀的代言人：「我識我老公時都唔知佢咁細，仲笑佢可能以前玩得多！」
千嬅將於下月生日，問到希望老公丁子高送她甚麼時，她說：「冇所謂，不過都想佢正正式式煮餐飯畀我食，未試過。」另外，張國立大爆聽不明千嬅說的普通話，更說她經常因此而NG。
