JM、秋生、張可頤、任賢齊、曹查理等昨日在觀塘為羅永昌新片《報應》開鏡，由於戲中不少角色最終也喪命，電影公司為求安心，安排長達半小時的佛教儀式祈福。片中扮演富家女的JM染上毒癮，被父親黃秋生掌摑，由於要遷就鏡頭角度，靚女足足「硬食」八巴掌，事後俏臉紅腫，幸而獲秋生大讚專業。談起遭掌摑，JM笑謂：「我從來未畀人打過嘅，喺屋企試戲時自己打自己，想試吓感覺係點。正式拍攝時我逼自己唔好諗秋生幾時打落嚟，因為怕反應唔自然嘛。」

小齊狼吞燒肉，懶理張可頤和秋生。	秋生毫不憐香惜玉，打到JM面都腫。	楊崢為恭碩良講好說話。

承認拖女揼骨

久違了的秋生原來近半年忙於在內地搵真銀，他笑謂患上輕微老人癡呆的母親「發嬌嗔」想見他，且自爆：「佢兩年前腦病，依家已經好得七七八八，感激老人院對佢嘅照顧。」談到早前受訪時與內地媒體發生不快，秋生抵死謂：「成日都有火藥味，佢哋有部分人好失常嘅。（唔怕畀人話扮大牌？）咁我喺內地真係大腕演員嚟o架。（話你拖女去揼骨？）係呀，嗰個係我好朋友。」

楊崢撐恭碩良

據悉，秋生今次拍戲相當落力，不但找友人借出豪宅作拍攝外，更讓囝囝參演一角，實行父子兵上陣，而囝囝亦相當識做，送上一百元紙幣給他「飲茶」，結果秋生興奮到將紙幣用相架鑲起欣賞。

而任賢齊角色有不少動作場面，日前一場勁打戲更令他辛苦非常，談到戲中拍檔恭碩良早前在澳門與醫生發生衝突，小齊表示亦略有所聞，但由於屬私事他不便追問，也沒發覺對方心情受影響。此外楊崢昨日出席活動被問到有否慰問舊愛恭碩良時，表示對方曾發短訊給她，多謝她向傳媒講公道說話。

文：影視組