廖碧兒前晚以女主角身份出席電影《滅門》的首映禮，身穿Jimmy Choo× H&M低胸露背裝現身的她，吸引任達華充當攝影師為她拍照。期間大會發放紙炮造勢，嚇得廖碧兒用手掩胸，以防紙碎入胸，相當搞笑。
廖碧兒表示陳豪有工作在身未有出席，對於有指陳豪買消夜到她寓所，她說：「我一直都喺內地拍戲，啲相片係舊o架！（從來無上過？）咁又唔係，大家同事有時間都會食吓飯、飲吓咖啡。」另外，任達華早前被內地女藝人周詩雅利用緋聞博上位，他說：「唔想多講，免傷雅興，太太冇質疑過。（與對方有朋友做？）不嬲都唔識佢，最好唔好。（防範？）好難避免到。」
而安志杰與女友謝婷婷恩愛到場，婷婷笑言若與男友合作打戲一定不好看，她說：「我唔會用力打佢。（咁恩愛幾時拉埋天窗？）我哋未有計劃。冇諗過外地註冊，順其自然啦。」