本文重點
Big Four其中兩子蘇永康與梁漢文前晚出席時裝騷，開心透露Big Four演唱會加至五場，門票更於兩小時內售完。梁漢文透露不少朋友買不到飛，現只好要家人割愛，讓飛給朋友。蘇永康稱收到陳輝虹電話叫他們開日場，或者將綵排也賣飛，他說：「我哋唔想，因為個台好多機關，想畀大家驚喜，而且要排練。（會唔會開Part 2？）要睇巿場要求。」梁漢文坦言今次反應超出預期：「最估唔到係我哋嘅版圖已經去到印尼，真係好開心又好笑。」
另外，對於有傳四人開演唱會飛起吳國敬，令大家反目，康仔直言：「從來都冇Big Five，今次請佢做嘉賓，到時先考慮開一次Big Five。佢梗係唔開心，因為到時我哋會在台上插佢。」
有此一著
蘇永康在圈中着衫數一數二有品味，他一直十分留意潮流動向，有時間更會到外國睇騷，update自己。康仔今次着上Dress Camp的外套加上衣，再襯其他品牌吊腳窩釘闊身褲配豹紋波鞋，上身書生味重，下身頗有Rock味，別樹一格。