陳法拉和諸葛梓岐昨日齊齊出席活動，不過大會竟以準薛家大新抱及二新抱介紹二人，諸葛對這個稱謂欣然接受，大方表態有想過嫁入薛家門，不過法拉卻顯得十分避忌，更事先張揚不會到薛家拜年。
分別與Neway大少薛世恒與二少薛嘉麟拍拖的陳法拉及諸葛梓岐，昨日齊齊出席wtc more世貿中心活動，二人被大會以「薛家準新抱」來形容，現場兩人有講有笑，而且不時扶着對方，相處融洽。
包容未來大嫂
由於陳法拉遲到，活動被迫延遲半小時開始，但諸葛對「未來大嫂」十分包容，沒有埋怨半句，被問到法拉是否遲到？她沒有正面回答，只說：「總之我換完衫返到後台都見佢喺度。」諸葛被問到以「準薛家二新抱」形容，是否與男友訂婚？她說：「我未咁快。（有冇諗過結婚？）我自己或男友都希望工作為先，共同進步，其實都有諗過呢幾年結婚，完全冇諗過就唔係，依家想賺多啲錢。」
農曆新年恰巧是情人節，諸葛表示會和家人度過，但亦會到男友家拜年，她說：「我會去
利是。（以往拜年有否遇到陳法拉？）好似冇，唔記得。」她又表示新年想送首飾給媽咪，至於未來奶奶？她即賣口乖說：「孝順係應該嘅。」
「我係陳小姐」
另一邊廂，陳法拉對「準薛家大少奶」十分抗拒，她決絕地說：「我係陳小姐。（會否澄清？）我明白，大家都係想有個話題。」被問到有冇訂婚？她即煞有介事說：「我唔希望焦點放喺緋聞度，而係放喺我工作上。（幾時想做大少奶？）我想做個好演員，生活有99%時間喺工作上。」至於會否到薛家拜年，她即說：「我連朋友屋企都唔會去，開劇好忙。（驚唔驚未來奶奶唔高興？）我唔知佢會唔會唔高興。（會否買禮送畀未來奶奶？）我冇諗呢樣嘢。」法拉更強調從未到過薛家拜年。
同場林莉玩釣金龜紙牌遊戲時，被指與現實情況相似，她說：「金龜當然好，但最重要錫自己，唔係有錢乜都得。」她表示如結識異性，要先了解對方身家是否清白，被問到與她傳緋聞的老闆是否單身？她說：「我哋冇講私人嘢，唔會問人有冇老婆，我係佢第一個藝人，佢哋對我期望好大。」
採訪：名人組