謝安琪表示態度中立，不得失任何一方：「以前金像獎兩個電視台都有輪流播，HKRIA係唱片公司嘅事，同電影冇乜關係。金像獎邊個台播都好，自己一樣支持香港電影。」對於亞視會播足本，她說：「睇足本最好，觀眾都想睇到成個頒獎禮。」

未決定取消傳媒大獎

另外，四大唱片歌手在無綫頒獎禮捧蛋，引發「傳媒大獎」應否頒發的爭議，提出應否不計《勁歌》賽果的助理廣播處長張文新被無綫怒插。昨日張文新接受本報電話訪問時說：「交番電台部處理。」即匆匆收線。港台頒獎禮總監馮偉棠則稱：「到呢刻冇話要取消。（唔計《勁歌》賽果？）暫時冇呢個睇法。（四台會唔會開會？）過兩日再溝通。」

商台助理總經理甘菁菁表示未收到新消息。問點睇「傳媒大獎」？她暗寸無綫說：「如果繼續頒落去有冇意義呢？相信樂迷同業界自有公論，我哋唔係評論。（來年會傾？）密切留意樂壇同傳媒發展，依家咁多電子傳媒，未來可能係七台聯頒。」至於新城知訊台台長朱明銳亦謂未收到新消息。