「萬寧妹妹」憑廣告中一句「我有少少鍾意咗『Kui』！」風靡全港，廣告在YouTube點擊率高達18萬，而fans更為她在Facebook設群組，受歡迎程度可見一斑！「萬寧妹妹」名叫王允祈，早前她與爸媽溫馨接受訪問，爸爸解釋允祈名字的意義：「嗰時意外懷孕，我哋不停祈求會生個健康BB，好幸運允祈出世好健康，我哋好感恩，為佢改名『允祈』係向天上嘅王祈求嘅意思。」

人仔細細的允祈為愛貓影相，表演攝影技巧。

允祈爸爸和媽媽表示「萬寧妹妹」即將接拍新廣告，坦言滿意酬勞及性質。

拒拍IIB級戲

他表示萬寧廣告讓更多人認識允祈，不斷收到邀請囡囡拍廣告的電話及短訊，他笑說：「我真係估唔到咁受歡迎，甚至有位名導演搵允祈拍戲，不過個導演拍親都係IIB級戲，好似唔係咁啱小朋友。」他直言接工作以囡囡的形象及健康是主要考慮因素，愛女之情溢於言表。

出席慈善活動

訪問當天允祈因為眼瞓扭計，嘟嘴攬公仔不望鏡頭等可愛動作令人忍俊不禁，不過爸爸一扮小丑跳「男版天鵝湖」即令她笑番晒，「萬寧妹妹」上身的允祈大喊「唔係咁跳，我跳畀你睇！」更即場表演一字馬，又主動戴上「明星超」影相，非常可愛！允祈將於星期日出席慈善活動，屆時將以老虎仔Look現身。此外，近期除了「萬寧妹妹」備受注目外，「齙牙薛凱琪」顏卓靈演出的麥麥送廣告亦非常受歡迎，網友大讚她齙牙夠Cutie！

文：專案組

攝：劉智源