不過，早前陳志雲生日開船P，本報影到愛將軒仔、崔建邦、鄧健泓等上船慶祝，陳志雲解釋：「唔可以用愛將字眼，呢個代表統領意思，自己何德何能統領有才華嘅人？我哋只係身處同一工作範疇，只可話係同袍。」

契爺愛才打本發展

至於雜誌指軒仔黐埋「牆紙大王」陳鼎禮，對方還打本給他開經理人公司，軒仔助手澄清兩人早已上契，陳先生是軒仔媽咪相識多年的好友，而陳鼎禮接受電話訪問時風趣說：「睇完報道又驚又喜，驚係有人懷疑我嘅性取向，喜係老婆可以放心，以後唔會有飛來蜢。（點解同軒仔上契？）佢好乖，好有才華，我想幫佢發展音樂事業，唔關性取向事，自己係生意人，所以要澄清，費事畀報道影響生意。」