14/01/2010

播放本新聞相關短片

祖兒足夠宣傳唔諗「跳槽」

容祖兒昨日出席記者會,宣布三月七日假機場亞洲國際博覽館舉行一場《新城容祖兒我的女皇音樂會》。對於有傳亞視計劃製作類似《勁歌》的音樂節目力撼無綫,祖兒說:「我同無綫都未滿約,我除咗係英皇人,都係無綫嘅人,總之呢個平台好足夠我宣傳!」有指四大唱片公司歌手會以廣東話接受其他電視台訪問,祖兒表示這是歌手和機構的一個尊重,她又言:「係人與人之間嘅尊重,做嘢嘅人起碼有咁嘅認知!」

亞視想邀學友亮相

另外,亞視高級副總裁鄭偉強被問到計劃辦音樂節目一事時,他稱一切要待本周後期的會議才有實質方案。若成功舉辦,他希望邀得張學友任嘉賓。鄭偉強說:「佢哋(無綫)係用一個盆去種菜,咁種得幾多呢?仲要係唔好食,我哋係要用一塊地去種!」此外,羅力威對於亞視有意舉行音樂節目感開心,不擔心其他歌手對他構成威脅。