o靚模去年搶盡風頭，電視台一眾姐仔差點飯碗不保，就連「咪神」徐淑敏都已嫁為人妻，公仔箱從此進入後「咪神」年代，搞到一眾宅男空虛難耐。幸而，江山代有人才出，高海寧憑34D上圍成為各大活動常客，成為二代「咪神」。

跟許多「有料」女星不同，高海寧自詡天然胸，絕無取巧：「我嘅身材係媽咪畀，絕對天然，自己都好滿意，其實我唔介意性感，最緊要係公司OK。」

對於被指取代徐淑敏成為新一代「咪神」，高海寧即哈哈笑說：「其實世間上冇人可以代邊個，每個人都有自己嘅市場，徐淑敏已經有BB，有個好幸福嘅家庭，同有錢老公。」

讚Jessica C.精緻

原來當年高海寧遭家人反對參選港姐，但因她堅持己見，家人也就從反對變成支持。對於近期新聞多多，高海寧表示不會介意，只擔心影響屋企人，談到家人會否反對她性感？高海寧說：「當然支持，佢哋淨係擔心我唔開心。」對於同樣以身材作招徠的Jessica C.，高海寧也不吝嗇讚美之詞：「我覺得佢個樣好精緻，又靚又高，見到面一定Say Hi，其實有良性競爭係好嘅！」

文：專案組　攝：吳文聰