子珊、吳卓羲、郭晉安、陳錦鴻、梁靖琪、羅仲謙等昨日出席無綫新劇《團圓》造型活動。近日有報道指子珊搭上富豪，她大叫冤枉，揚言消息抹殺了她過去一年的努力。

葉翠翠（右）與陸詩韻均是港姐出身，曾被傳搭上富豪忽然富貴。 （資料圖片）	羅仲謙與梁靖琪於新劇飾演情侶。	無綫三大小生吳卓羲（左起）、陳錦鴻及郭晉安合作拍劇。

似《美麗高解像》

子珊表示得悉有關報道後十分激氣，她謂：「全部都係編造，消息好似《美麗高解像》續集咁，將我人生代入劇情，但事實係完全冇咁嘅事，冇相、冇根據！不過我仍然好嬲，因為女仔名聲好重要，咁樣畀人誣衊，真係好唔公平，抹殺咗我過去一年嘅努力！往後人哋點搵我做嘢？仲有我最嬲今次件事騷擾到我屋企人！」

問子珊是否認識該富豪時，她說：「唔識，發誓唔識呢個人！從來冇富商追求過我。（咁之前係咪同游乃海一齊？）佢本身有女友，我嘅事真係唔想影響人哋。（話你住千五萬貝沙灣喎！）間屋係租，我努力工作都想住得舒服啲，可能頒獎禮前，佢哋幫我造新聞，驚我出到嚟冇嘢講。（消息將你同陸詩韻、葉翠翠一齊比較！）人哋嘅嘢唔清楚、唔評論，不過子珊向來畀人印象係自食其力。」

游乃海撐「舊愛」

另外，子珊「舊愛」游乃海接受訪問時表示，相信子珊為人，指報道完全虛構，全部不是事實；他又「讚」放消息者編劇力強。問到是否替子珊不值？游乃海謂：「做呢行好難避免，總之take it easy。」

此外，吳卓羲、郭晉安在劇中會與徐子珊有感情戲，吳卓羲表示不擔心與子珊傳緋聞。他表示首次與郭晉安合作心情興奮，又自爆為了拍《團圓》，不惜推掉兩套大陸劇。

文：影視組