自本報日前獨家踢爆袁小曼戀上地產界CEO廖偉強後，這段忘年戀即成大家茶餘飯後的熱門話題，最近又有消息傳出，o靚模姜紫藍（Color）原來是廖偉強的上一任女友。有傳Color去年到台灣拍寫真時廖偉強亦有同行，對她十分照顧，兩人拍拖後Color更突然富貴。記者昨日致電求證Color，她聞言後即大叫：「吓，點解會咁o架，我識佢哋兩個，袁小曼同我一齊選亞姐，廖偉強我都識，不過我絕對無同過佢拍拖，我自己都有男朋友。」