方力申被指曾與女星往見向o靚模騙色的茅山師傅歐陽國富，惹來網民激烈猜測此女星是否其緋聞女友鄧麗欣（Stephy），Stephy昨否認是該女星，還笑言不相信小方如此迷信，而他表現亦未見異常，但力撐聲中卻有訕笑成分。
Stephy昨以演員身份出席《72家租客》的慰勞宴，席間被問到小方這宗「茅山師傅」新聞，她坦言知道此新聞，但沒聽過小方提起，還笑言：「佢唔似咁迷信嘅人，（係咪佢讀過大學都迷信好愚昧？）唔係，迷信同知識無關，呢行好多人都迷信，我都有睇相、測命，但淨係作參考。」
都係咁開朗
記者再問她有冇聽過小方話改運？Stephy笑說：「哈……佢運氣幾好吖，唔使改，（感情呢？）要問番佢喇，佢就冇話過有波折，（有冇叫過你去？）梗係冇啦！（如果小方見過茅山師傅後可能有異常行徑噃？）哈哈……唔覺佢有異常，佢個人都係咁開朗。」
要有判斷力
Stephy承認也曾試過睇相、測命，但最重要自己有判斷力，她透露曾有師傅指點她抄經文後再燃燒作祈福，她照做過幾天後感到恐怖而沒有再做下去。
文：影視組