艾粒在拆夥前舉行最後一次的舞台演出《艾粒普世歡騰核能人》，前晚尾場吸引一眾圈中好友古巨基、張繼聰、謝安琪、薛凱琪、周柏豪及Donald的女友Jan（張詠恩）等同來捧場。

放大圖片	Donald（右）的女人造型啜核抵死，令人爆笑。	放大圖片

發表感性宣言

艾粒在舞台上扮鬼扮馬扮女人，又勁歌熱舞兼講爛Gag，贏得台下不少笑聲。至尾聲時，兩人收起搞笑本色，在台上正式宣布「解散」為組成七年的「艾粒」畫上句號：「其實我哋好折墮，好多人想出唱片，但我哋就選擇唔出。」

謝安琪、張繼聰兩夫婦捧場也分開坐。

放大圖片

之後少爺占向Donald送上感性宣言時更忍不住落淚：「好多時啲功勞都交畀我，其實Donald做咗好多嘢，佢一個人做騷都可以好搞笑，我個人夠硬淨，自己撐到自己，但Donald就需要大家一齊撐。」

積陰德多人撐

在旁的Donald一樣感動的說：「多謝好多錫我哋嘅朋友，呢行好邪門，有啲人諗盡方法都紅唔到，而我哋前世唔知係咪積咗陰德，咁多人幫。」又說「艾粒」能做到今天已是超額完成，有機會復合再開騷，笑言歌迷可憑票尾換折扣。

台下歌迷表現不捨衝到台邊支持，有歌迷更送上自製的「叱咤組合金獎」給他們。問到兩人台上呻未獲「組合獎」，是否耿耿於懷？艾粒笑言：「講笑啫，就算今年攞到都冇用啦，我哋都拆夥啦。」

文：音樂組