星娛樂昨日舉行New Year Party，一身紅噹噹的鄭融、鍾嘉欣率師弟、妹韋雄和鄧芷茵出席，行政總裁何哲圖頒白金唱片給鄭融，並透露計劃明年為她搞演唱會，嘉欣亦有金唱片，拍照時鄭融將白金碟放在地上，怎知卻失平衡「嘭」一聲拍落地，韋雄連忙幫她執番，鄭融發出連聲傻笑。

榮升一姐的鄭融，拍照時風騷得又晒Ｖ又單眼。	放大圖片	鍾嘉欣要克服由藝員轉做歌手的困難。

壓力推動進步

獲公司讚成績好，鄭融開心說：「希望可以keep住好，呢張係自己第一張精選碟，諗起入行到依家所有經歷，邊學邊做邊成長，成日有壓力催逼自己做得再好啲。（有冇信心喺紅館開騷？）之前抱唔好住嘅心態，依家開始會構思吓、幻想吓。（升呢？）係第一次開騷，要認真對待。（一姐大壓力？）冇乜一姐，最緊要工作開心。」

嘉欣期待合唱

此外，鄭融和鍾嘉欣將合唱《愛得起》，雖然兩人性格和聲線都唔同，但鄭融說：「冇問題，咁至有驚喜。」嘉欣亦不擔心合唱有比較：「唔怕，大家有自己性格，好鍾意同鄭融合唱，好鍾意佢把聲好獨特。」

採訪：音樂組