Baby、William這對小情人傳出情變，之後她與黃曉明又傳出緋聞，故剛過去的聖誕節，William亦坦言未有向Baby送上禮物及短訊，但卻向現任緋聞女友G.E.M.送上魔術道具，難怪失戀的Baby大呻於日本孤零零度佳節令她孤獨得想哭。

Baby行街時無厘心機，揀不到心頭好。	放大圖片	被發現行蹤，Baby擠出笑容與經理人乘車離開。

強顏露笑容

近日Baby難得由日本回港，卻沒有與舊愛William會面，反而於前日在經理人陪同下，前往中環行街購物治情傷。當日下午約六時，素顏的Baby一臉憔悴，戴上帽及手持圍巾的她，到達中環ifc後於商場行逛一圈，便步入百貨公司的女裝部揀選新裝，但見她無厘心機，隨便看了數件外套，又前往鞋部，專攻Ankle Boot，但沒精打采的她左揀右揀也拿不定主意，而經理人畀意見時，Baby依然無頭緒，最終是齋睇唔買。

其後不少顧客認出她，Baby即低頭及拉低帽子，與經理人急步閃人。兩人步出門口時見記者在場，Baby一臉愕然低頭避鏡，當被追問是否剛由日本回來，她強顏歡笑表示：「係呀，啱啱返咋。」說罷上車離開，並前往銅鑼灣繼續行街，收穫不大的她其後又前往九龍城一寓所會合友人，至凌晨仍未離開。

唔得閒理人

本報事後聯絡上Baby經理人，她透露Baby由於剛回港，趁機外出購物，今日即返回日本。提到情傷的Baby行街時一臉落寞，她說：「唔係，佢幾開心，（有否買禮物予William？）冇，佢只係掛住睇自己啲嘢啫，都唔得閒理其他人。（傳sms畀William？）我唔知佢私人事，冇特別問。」

文、攝：追蹤組