本文重點
呂良偉昨日發出尋犬啟事，指前晚十一時許遺失一歲愛犬Smart，並透露Smart毛色係啡白色，尾後有少少白毛，大約三、四十磅，屬於日本柴犬，更願意以一萬元酬勞希望好心人能幫手尋回愛犬並聯絡他。
與家人關係密切
阿呂表示Smart自兩個多月大開始在呂家生活，與家人關係密切，是家中所有成員的至愛，尤其與囝囝的感情特別要好，他說：「Smart係朋友送畀個仔，我個仔平日成日帶佢去海灘玩，附近啲人同救生員同佢哋都好熟。囝囝依家好傷心，不停喊住要搵Smart！」
談到遺失愛犬的情形，阿呂憂心地表示：「Smart尋晚（即前晚）十一點幾出咗去，到依家都搵唔到，我尋晚揸車出去搵到凌晨三點幾，好似傻佬咁，相信佢喺南灣道一帶。尋晚天氣咁凍，佢又有腸胃炎同少少肚屙，真係好擔心，好想盡快搵到佢！」他再呼籲有心人若能尋回愛犬，願意奉上一萬元酬勞以示感謝。 文：影視組
