聖誕節即將來臨，模羅凱珊（Kama）為慶祝佳節，特地學整應節的朱古力樹頭蛋糕。雖然今年Kama是非不斷，但醒目的她說：「我可以整甜品冧番人！」她更笑言此「殺着」容易氹男仔開心。
擁有甜美笑容的Kama一向是G模中的甜姐兒，在即將來臨的聖誕節，她已學會整應節的朱古力樹頭蛋糕湊熱鬧，她說：「甜品之中我最鍾意整朱古力，唔好太甜，整畀男仔又可以用黑朱古力，而且食朱古力容易令人開心，整又開心，食又開心，啱晒聖誕節。」
赴台前狂玩
雖然煮飯麻麻的Kama於《美女廚房》中搞到雞手鴨腳，但今次有師傅從旁指導，她即信心十足地說：「其實唔少人覺得樹頭蛋糕好睇唔好食，但師傅話最緊要個朱古力慕絲整得夠滑，當然材料分量要啱啱好啦。」
對於今年的聖誕節，揚言單身的Kama會與家人慶祝，但飯後亦會找朋友狂歡：「有朋友搞Party，希望去台灣之前玩番夠本。」Kama說。
曲奇氹同事
明年初Kama將會殺入台灣發展，雖然今年她在G界是非多，但她有信心可以跟當地工作人員及公司同事打好關係，她笑說：「我最叻整甜品冧人，我已經諗好喺去台灣公司第一日整曲奇餅請大家食，而且我喺嗰邊都有Model朋友帶住我，希望喺新一年有個好開始。」
文：專案組 攝：鄭家俊 場地：Double Cake