Stephy以嘉賓身份出席「BookFest@HongKong2009」活動，曾因錯字百出慘被網民圍插的Stephy近日推出甜品新書，問到是否做足校對？她說：「睇咗幾百次，上次因為冇專業校對，今次交畀大眾書局搞，對佢哋有信心。（再寫書會唔會有壓力？）唔會，今次唔同形式。」

做甜品畀小方

Stephy透露緋聞男友方力申首度為其新書寫序，她說：「佢寫字好核突，所以啲字係用電腦打。」問到對方有否食過她親手做的甜品？Stephy竟說：「食過我？呢題問題好尖銳。（係問佢食過你手勢未喎？）咁食過一、兩次。」她隨即又被記者追問對方是否真的「食過她」？Stephy尷尬以「點呀」迴避問題。

對於EMI、華納、Sony Music及環球四大唱片公司因歌曲播放版稅杯葛無綫，無綫總經理陳志雲日前暗示有意封殺四間公司，Stephy說：「冇睇報道。（你會得益？）今年唱歌少咗，所以唔太大期望。」

文：音樂組