賈曉晨（JJ）昨現身銅鑼灣鬧市，派發免費飲食雜誌。雖然地點與早前的空襲鏹水彈事件鄰近，JJ卻冇有怕，更不忿狂徒所為：「唔知佢為咗乜，有意見、投訴可以講出嚟，唔需要咁做，我好唔鍾意呢啲人。」原來JJ月前於旺角街頭拍戲，同樣遇上高空掟煙頭、啤酒樽的狂徒，幸而有驚無險：「已經係凌晨時分，可能攝製隊嘈住佢哋啦。」
一向鍾愛美食的JJ，有感自己不時接下與飲食有關的工作，又指自己不饞嘴，任何東西也可放進口：「不過我係回教徒，由細到大唔食豬肉，點知啱啱嚟香港拍戲食飯盒，揀中咗個咖喱豬扒飯，自己食埋都唔知，後嚟知道後足足嘔咗一日呀。」
