08年落選港姐高海寧九月轉簽無綫經理人合約，憑住34D巨乳搶灘成為新一代「咪神」，短短三個月已勁賺六位數。而同樣以「警鐘胸」上位的混血索模Jessica C.，爆紅「搵夠」提早返家鄉芝加哥過聖誕，高海寧瞬即成為搶手貨，不少商場已瞄準「新咪神」賣點，頻頻向無綫「問價」，據知除夕夜已落實出席商場倒數活動，以性感晚裝「騷咪」迎接新年。

希望搵多啲

接job接到手軟的高海寧得知Jessica放大假，即笑說：「咁快？我就希望多啲嘢做，唔知點為之夠，至少可以令父母唔使再咁辛苦做嘢，減輕屋企負擔，最希望可以供細佬去外國讀書，所以仲有排要搵。」Jessica的「警鐘胸」被質疑僭建，高海寧自認「純天然」，滿意自己身材：「但人哋嘅嘢就唔方便評論，唔知當事人感受同需要……，我見過佢真人，鬼妹仔好靚、好高，人又Nice，希望可以合作。」

接令要減肥

成為無綫力捧對象，不過高海寧天生包包面，加上早前到馬來西亞拍飲食節目時狂食，肥了近十磅，據知無綫已下令要她減肥禁食肉類，高海寧直言收到指令要食得清淡：「公司係為我好，所以呢段時間都係食菜同麥皮餐，一日食三至四次，我搵過好多方法，呢個係最健康同有效，維持咗幾日，再配合埋做瑜伽更見成效。（唔怕縮胸？）唔驚，我一向時肥時瘦，但都冇乜嘢。」果然得天獨厚。

文：專案組

攝影：吳文聰

服裝及場地：Arrogant Cat

髮型：Ethan Ng @ Hair