泳兒在圈中人緣不俗，她與關心妍、吳雨霏和同公司的鍾舒漫更無所不談，情如姊妹！
吳雨霏
「我同佢有個共同化妝師、中醫師、唱歌老師，所以多咗好多話題，佢叫我吳先生，我叫佢陳先生，因為大家性格男仔頭，我同佢幾有緣，雖然識咗佢唔算長時間，佢係一個好好嘅聆聽者，而且幾有幽默感。」
關心妍
「我同佢能夠做到朋友，都算難得，雖然我哋唔同公司，性格同樣慢熱，通常出席活動先見面，佢唱歌好好聽，好有感染力。我哋會約埋一齊睇騷，雖然唔係成日見，但都有SMS問候對方，有時會約佢食飯。」
鍾舒漫
「我同泳兒係同屬新秀，大家性格偏向文靜慢熱，但佢靜得嚟好理智同冷靜，而且心地善良。泳兒唱歌好穩定，我同佢唔同風格，佢有把溫柔嘅天使聲，我就比較Raw啲，我都希望有機會同佢合唱，可以擦出唔同火花。」