劇集《富貴門》前晚大結局，未像《宮心計》般獲無綫力撐，於商場搞活動與觀眾齊睇大結局，只由薛家燕的朋友贊助十三席讓「自己友」飯聚，袁詠儀（靚靚）、戚美珍及呂良偉等出席。雖然周一至周五的收視只得平均三十點，但周日的大結局上升至平均卅六，最高四十一點，總算「攞番個尾彩」。
互相踢爆
席間呂良偉在台上玩踢爆，笑指多位演員很難搞，最難搞是靚靚，不可開工超過十小時；家燕姐則是大忙人，既返電台又做生意，就只有他最專心拍戲。靚靚隨即反擊，笑言呂良偉是專心到內地不同城市拍戲。
對於收視未太理想，家燕姐強調：「我哋喺廣東省收視第一㗎，有時收視講天時地利人和，總之大家付出咗都開心。（想原班人再開？）都想，不過我要明年九月至有期，而且我怕夏天開工辛苦，諗起陳鴻烈我就唔想『扯』得咁行。」靚靚則謂：「我由頭到尾都有期望，不過收視難控制，總之我哋係付出咗，亦享受過程。（網民批評場強姦戲。）咩意見都會接受，只要唔係人身攻擊。」
意識不良
廣管局收到《富》劇五宗投訴指強姦戲份意識不良，七宗認為殺人情節教壞人。無綫亦收到五宗指情節不合理，另三宗分別認為《富貴門》、《宮心計》的壞人沒受應有懲罰，有教壞觀眾之嫌。
另外，昨午三時許，呂良偉與太太楊小娟於中環置地廣場歎茶，食飽後即轉戰到附近一間名店購物，小娟全程幫老公睇衫，呂良偉試衫時更露出白色底衫及一雙雄壯手臂，迷倒不少店員。期間甄子丹路過該店，與兩人打招呼。呂良偉與楊小娟返家前買了蛋糕，事後他稱該蛋糕是送給朋友。
文：影視組