鍾嘉欣、宋熙年昨日出席商場活動，前者更與型男魔術師即場表演魔術，事後嘉欣大讚魔術師靚仔，更笑言被對方電暈，她說：「頭先佢表演飄雪，再拖住我手真係好浪漫，有一種暗戀佢嘅感覺，魔術真係一種氹女仔高招。（有冇男仔表演過魔術畀你睇？）喺加拿大時都有男仔試過變花。（如果有人用變魔術向你求婚係咪會答應？）會㗎，可能有閃電結婚衝動，真係好浪漫。」
對於緋聞男友林峯與她劃清界線一事，她謂：「應該啦，根本都冇開始過，私底下都冇約會。（同佢傳緋聞阻住你拍拖？）係，搞到冇人追，好多人以為係真㗎。（同另一個緋聞男友伍允龍咩關係？）好朋友啫。」
