佘詩曼與楊怡自台慶頒獎禮後，前晚首次公開碰頭，雖然有傳二人因分獎不勻而生嫌隙，不過在鏡頭前佘楊卻非常老友，除了作咀嘴狀外，阿佘更幫楊怡為「禁慾」闢謠。
佘詩曼、楊怡、鄭嘉穎、陳豪前晚夾錢筵開五席，與劇集《宮心計》台前幕後工作人員舉行慰勞宴。自《萬千星輝頒獎典禮》首次公開碰頭的楊怡、阿佘，雖然有報道指無綫為捧楊怡而犧牲阿佘，二人fans更因此展開罵戰，但她們感情未有受到影響，二人更老友鬼鬼作咀嘴狀，並齊齊接受訪問。
撐老友身唔臭
阿佘、楊怡表示頒獎禮後，經常在公司見面，對於頒獎禮後種種報道，楊怡說：「冇睇，都唔會介意，呢啲係頒獎禮餘波，不過都會再做好啲自己。（有報道話你禁慾三年？）點為之禁『浴』？如果我禁浴三年個身咪好臭。（係咪同黎諾懿拍拖？）佢只係陪我買相機就傳緋聞。（係咪多咗好多追求者？）狗仔囉！」
阿佘就力撐楊怡謂：「佢拍拖冇理由唔同我講啫，呢啲當提供娛樂畀觀眾。（又話佢禁慾？）唔知喎，拍《宮》嗰時佢仲有沖涼，個身唔臭。」提到有報道指她在頒獎禮上中空寶後，心情十分低落，阿佘解釋在新劇《天與地》中，她的角色非常沉鬱，所以先好少笑。
不少狂蜂浪蝶
此外，陳豪、鄭嘉穎異口同聲力撐楊怡有資格在頒獎禮中奪兩獎，嘉穎說：「佢個角色好突出，第一次做反派非常好，係實至名歸，而最佳表現大獎係由監製、導演嘅認同，不過外界攻擊一定有，某階段要承受某啲嘢。」問到他們可有聽過楊怡與黎諾懿拍拖？二人只表示楊怡得獎後神采飛揚，陳豪更鬼馬暗示楊怡有不少狂蜂浪蝶。
文：影視組