霆鋒前晚出席新片首映禮時，提到栢芝最近被本報拍得發福不少，他即為愛妻辯護：「君如之前撞到佢，仲讚佢fit咗。（鯨吞食相？）佢都有同我講，當時係因為隻餃子黐住咗啲麵。（栢芝介意？）咁女仔梗係顧儀態㗎啦！佢依家胃口好咗就一定嘅，但係佢都唔肯食多啲。（BB係仔定女？）照就照咗，但係醫生話要遲啲先講，不過BB好健康。」
而最近忙於拍攝英皇電影《綫人》的霆鋒，日前到葵涌貨櫃碼頭拍飛車外景，期間更有警員到場了解。很久沒有駕車的霆鋒手癮起，在試位兜圈時都踩盡油門發出巨大聲響。另外，最近謝婷婷加盟王晶旗下藝人，王晶透露將於明年四月開拍一部愛情片，讓婷婷擔任女主角，並請來葉念琛執導。
