杏兒前晚假九展演講廳舉行首個迷你音樂會，除了一班藝員好友出席外，壽星仔Bosco不避嫌現身撐場，雙方家長亦齊齊捧場，胡、黃兩「親家」出現，令音樂會頓時變成二人的婚禮般，其中王祖藍向Bosco起哄說：「祝你百年好合、連生貴子！」而胡定欣亦笑稱氣氛似足去飲，要放低人情賀一對新人。

戴上假髮的胡杏兒扮Lady GaGa豪情喪跳。	黃宗澤走到台前獻花兼大方錫錫胡杏兒。	放大圖片

領全場賀壽

音樂會上，杏兒率先以漆皮Bra Top的飛機師造型谷胸性感上陣，她除獻唱多首歌曲外，更Lady GaGa上身，戴上銀白色假髮大跳性感熱舞，摸胸喪跳，動作撩人，中門大開的她不時露出打底Bra邊，更一度疑似走點，睇到台下的Bosco歡喜若狂彈起身跳舞。當晚杏兒邀請張智霖、MC Jin及胡蓓蔚擔任嘉賓，她跟MC Jin齊齊Rap的時候大叫：「我都好鍾意睇TVB，尤其黃宗澤做嗰啲！」MC Jin回應說：「杏兒呢個女仔真係好，Bosco你條死仔真係執到。」擺明將二人關係擺上枱，而杏兒不避嫌帶領全場觀眾為Bosco合唱生日歌，冧爆的Bosco立即到台前獻花兼送吻，二人關係盡在不言中。

胡杏兒的父母、姐姐及姐夫一齊來撐場。	黃宗澤的母親及姐姐也來撐杏兒場。	黃宗澤跟印有胡杏兒樣的tee作咀狀，兩人戀情浮面。

唔介意收禮

問到Bosco是否藉此公開關係，他說：「唔係，今日當開個party咁囉，我同杏兒都係friend過打band！」而女主角杏兒完騷後亦例牌繼續否認，她說：「係螢幕情侶囉，大家認同都好開心，（似婚禮多啲？）我唔介意收祖藍佢哋份人情，不過我唔係結婚之嘛！」

胡杏兒跟MC Jin明目張膽「唱」緋聞男友黃宗澤。	胡杏兒跟張智霖手拖手合唱情歌。	穿上性感黑Bra的胡杏兒，露出波罅。
胡杏兒自彈自唱，歌迷拍掌以示支持。

採訪：音樂組、追蹤組