多次為《東華》作危險演出的Yumiko，自誇係東華之星「鄭盼盼」，揚言籌到錢幫人，就算做幾危險的表演亦沒所謂，她說：「最危險都算係當年空中飛人表演，有機會再做好啲，但當年未完成，都幾遺憾，希望下年可以原班人馬再做，完成表演還心願。（仲有冇陰影？）可以再做，再完成會好好，都已經克服。」此外，原本今年安排Yumiko飛車甩尾打保齡，但由於表演太危險，所以出不到保險，故項目改由幾位靚女推大波打人肉保齡，而Yumiko對此說：「其實我唔係好驚，不過公司想安全第一，都啱嘅，始終《東華》係開心事。」

Jessica 望籌五十萬

另外，首次為《東華》表演的Jessica C.自言希望今次演出可以籌到五十萬，她說：「好喜歡碌lane。（會唔會以性感上陣？）唔知呀，第一次《東華》演出好緊張，好期待第一次做慈善。」

而李蘢怡對於冇得玩飛車感到失望，她說：「淨係有得西波。（好失望？）冇，為慈善都會盡力。」

文：影視組