上月Dorian在馬來西亞國際時裝周展示其2010年春夏系列，由富永愛和Ana R.兩大名模行騷，Dorian大讚行壓軸的富永愛具名模風範，他說：「自從佢做咗媽咪之後，好選擇性揀騷嚟行，記得2003年喺紐約第一次合作，事隔咁耐再見佢，狀態精神好過以前，冇以前咁瘦，佢話好想嚟香港，同佢傾緊明年一月過嚟做香港時裝周。」

Ana R.為何國鉦行騷，功架十足。	上月在馬國舉行時裝騷的何國鉦，下月將衣錦還「港」。	馬來西亞王后獻花，令何國鉦受寵若驚。

望增凝聚力

Dorian經常參加外國時裝周，但香港時裝周原來只有2003年做過一次，自己亦深感慚愧，對於下月的時裝周，大會還邀得郭培和譚燕玉，他坦言十分期待：「今次我想特別啲，初步構思想搵齊由上一代紅到依家嘅名模行騷，好似琦琦、馬詩慧、李嘉慧及翁為德。」他認為香港時裝有很強優勢，但設計師之間卻不團結，希望明年的時裝周，增強設計師的凝聚力。Dorian馬來西亞的時裝騷，出現一位特別嘉賓，原來是馬來西亞的王后，由於臨時知道王后駕臨，工作人員即場在台下搭建高台好讓王后安坐觀賞，完騷後，王后更向Dorian獻花，挾王后的威望，Dorian坦言感覺戰戰兢兢。

文：名人組