詩雅被老人家搞喊

自言唔易喊的詩雅，早前與湯怡到武漢探訪老人院，看見當地無依無靠的老人家時，即傷心得在人前流淚。她說：「我原本想喺公公婆婆面前表現得開心啲，帶多啲笑聲畀佢哋。佢哋一見到我同湯怡，就話好似見到自己親人咁，捉住我哋隻手，又好感激我哋嚟探佢。估唔到自己小小嘅付出，可以令佢哋咁開心。」

此外，她透露早前到北京宣傳新片《全城熱戀熱辣辣》，雖然戲份不多，但在監製陳果身上獲益不小。她說：「我一直都好想同陳果合作，今次機會好難得，佢有教我做戲，好好人。」

11/12/2009