有亞視鎮台之寶稱號的鮑起靜，秘密到有線電視開工，更獲高層親自接待，一度到餐廳密密傾，鮑姐坦言攞正牌食兩家茶禮，作為電子傳媒應該要多合作，不應太自私。
亞洲電視雖然高層動盪，藝員一再減薪大逃亡，但應屆金像影后，有亞視鎮台之寶稱號的鮑姐一直未有去意，今年九月更正式續約亞視一年，但是記者日前發現鮑姐在有線電視出現，高層康小圓親自接待，逗留兩小時後兩人更結伴到餐廳密密斟。
滿意酬勞
原來鮑姐今次專程到有線為《聖誕奇冰雪雪震》聲演地球媽媽，所以秘密到有線開工，鮑姐笑說：「我不嬲都想嚟有線做嘢，同佢哋關係好好，以前成日諗點解陳啟泰可以嚟有線錄節目呢？雖然我同亞視有約，但原來係冇問題嘅。（你食兩邊茶禮？）係呀，今次酬勞好滿意呀，希望以後多啲唔同機會。」
不應壟斷
鮑姐坦言香港只是一個小小的地方，作為電子傳媒應該合作，互相幫助，不應太自私造成壟斷，她說：「對我哋藝人嚟講梗係多個機會好啲啦，好似今次呢個節目好有意義，推廣環保同正視全球暖化嘅問題，我覺得好好。」雖然鮑姐已年屆60，但仍未言休，對不同工作機會仍然非常珍惜，稍後更會冒着寒冷天氣飛往上海，演出吳宇森監製的《劍雨江湖》，與楊紫瓊及鄭雨盛合作。
文：影視組