馬浚偉早前自掏腰包請fans聚會兼補祝生日，來自廿六個地方的fans聚首一堂，令他非常感動。當日，fans為他準備連串驚喜，除了必備的鮮花及蛋糕外，有在內地任編劇的fans更特意為馬浚偉度身訂造古裝劇本，飾演歷史人物，令馬浚偉非常感動！

馬浚偉跟來自廿六個地方的fans補祝生日，收禮物收到手軟。	馬浚偉見到小fans即表現興奮。	馬浚偉早前跟鍾嘉欣合演以清朝為背景的劇集，獲讚適合演古裝劇。

寫日記傾心事

他說：「我真係好開心，佢哋（fans）花咁多精神同時間造禮物畀我。記得有一年，有個fans送咗本佢自己嘅日記畀我，每日都寫住『To：浚偉』做上款，好似日日同我傾心事咁，好有心思。」他又表示不少fans已經支持他多年，馬浚偉睇住對方拍拖到結婚、生仔，因此雙方感情深厚。

最想身體健康

提到古裝劇，馬浚偉確是古裝劇的「鐵腳」，他表示曾獲內地的導演及編劇讚適合演古裝劇：「真係好似打咗支強心針咁，內地市場咁大，我都好想可以返內地拍電影，如果真係有呢個機會，我一定會霸住啲古裝戲嚟做！」至於生日願望，馬浚偉就希望事事順利及身體健康。

文、攝：影視組