陳霽平（Maria）與趙式言拍拖已好一段時間，但她從未因為拍拖而忽略朋友及工作，尤其是為她設計過不少晚裝的好友Cecila Yau，她表示：「我同佢係因為工作而認識，前幾年睇過佢設計嘅時裝騷，覺得佢設計嘅晚裝真係好靚，都好希望認識佢，估唔到，之後就有機會，我同佢因為大家都喜歡做瑜伽，有好多共同話題，好快就做咗好朋友。」

放大圖片	陳霽平直言不會因為要四出工作而不做運動，因為健康才是最重要。	Cecila Yau（箭嘴示）所設計的晚裝令陳霽平十分欣賞。

了解喜好

Maria笑言因跟對方實在太投契，加上真的很喜歡對方設計的晚裝，所以不諱言他朝出嫁，定必要找對方為自己設計嫁衣，她謂：「佢好了解我喜歡啲乜嘢，所以我好放心將自己一生人最重要嘅晚禮服交畀佢設計。」

一同舒展

陳霽平直言Cecila Yau太熱愛工作，大爆對方有時會疏於練習瑜伽，所以Maria會充當對方的「健康教練」，督促對方做運動，她表示：「一個人真係唔能夠成日坐喺辦公室度做嘢，所以我一得閒就會去佢office度捉佢出去，做半個鐘瑜伽都好，做完運動再諗嘢，思路都會清晰啲。」

文：影視組