11/12/2009

播放本新聞相關短片

冼色麗亂化妝嚇親人

梁詠琪師妹冼色麗、唐素琪及羽翹日前應邀出席公開活動,大談化妝心得,冼色麗表示入行後才慢慢學會化妝,曾經試過在朋友面前出醜,她說:「有次試過買咗隻鮮藍色眼影,之後求其咁捽落對眼度,個朋友見到之後,嚇到話以後唔肯同我出街!」

而唐素琪表示入行後經常化妝,令皮膚難免變乾,有時更出現甩皮的情況,所以不時會爭取時間瞓覺,她說:「如果你化完妝覺得好乾,咁你爭取時間瞓五分鐘,瞓完你就會覺得成個人唔同晒,真係好有效!」