由唐寧等主演的舞台劇《爆谷殺人狂》，下周五（18日）起一連三日在元朗劇院上演三場，上次在台上大跳艷舞「技驚四座」的唐寧，這次獲導演「厚待」，為她找來專業排舞師排練艷舞，她說今次跳艷舞比上次壓力更大：「我每日都抽大量時間練習跳舞動作，想自己跳得誘人啲、性感啲，希望做得好過上次，因為上次我憑住呢個舞台劇提名女配角獎，所以今次更加唔可以令觀眾失望。」
除了苦練艷舞，唐寧還要將頭髮染成橙色；她笑言種種辛苦都不及「精神分裂」痛苦：「因為我同時排緊兩個劇，喺《爆》劇入面做豪放女，但喺另一套劇入面我就做乖乖女，搞到我嚴重精神分裂，拍戲咁多年都未試過好似依家咁矛盾，哈哈！」
