「新城勁爆頒獎禮」於本月26日舉行，早前祖兒在新城勁爆記者會上，率先奪得「新城勁爆播放指數大獎——歌手獎」，DJ路芙認為每逢年尾的頒獎禮正是祖兒「收割」的時候，祖兒說：「我都希望從自己嘅歌曲帶出更多正能量，可以鼓勵人哋。」

擴大音樂領域

作為一個顧及巿場的歌手，祖兒希望用自己的聲音在不同時間滿足不同樂迷的需要及欲望，她說：「我都想擴大自己嘅音樂領域，嘗試一啲自己唔擅長嘅歌種。」唱過很多不同類型歌曲的她，好想擁有一首屬於容祖兒的Big Band樂曲，她笑說：「我第一次接觸呢種音樂係細個時睇電影《修女也瘋狂》，之前喺十周年演唱會都嘗試咗呢種音樂，我好鍾意，覺得呢種音樂令我好快樂。」

愛報喜不報憂

祖兒已入行十年，覺得是適當時候去作不同的新嘗試：「喺呢十年經歷裏我對唔同嘅事有唔同感覺，以前我係個報喜唔報憂嘅人，依家我知道愛、快樂係乜，喜歡同人分享，直接講出嗰刻感覺。」

現時祖兒學懂體諒家人、朋友為她的付出，也會欣賞別人為自己所作的事，她說：「依家嘅我快樂好多。」

文：音樂組