與陶喆的緋聞開始「冷卻」，岑潔儀近日開始繼續投入工作，現正忙於拍攝劇集《Only You只有您》，Zoey表示要穿上露背婚紗拍外景卻因而病倒：「我着住件Deep V大露背婚紗拍外景，仲凍到我病咗，件衫又好性感，今次真係好大犧牲喇！」

炸雞待客

Zoey表示今次拍攝最難忘是獻出自己的螢幕初吻，她說：「今次同黃嘉樂飾演一對，導演加咗場Kiss戲，（第一次有冇尷尬？）哈哈，冇呀！我錫佢之前仲食咗炸雞，黃嘉樂仲問我點解個口咁臭，真係好搞笑，（拍Kiss戲有咩感覺？）都冇尷尬，仲覺得佢幾好咀添，哈哈！」

演得夠放

Zoey揚言希望在電視界有所發展，問到她覺得自己有何過人之處時，她說：「我覺得我份人夠放，同唔顧形象，所以我做戲嗰時會豁出去，而且我做嘢時會好認真同勤力，我覺得都幾適合演戲。」

採訪：專案組 攝影：劉智源 場地：Block 1912 化妝：Joe Wong 服裝：JFT