向來緊貼娛樂圈所有戀事的ontv，見證過不少戀情花開花落。William與Baby雖然從未承認拍拖，但早已是圈中公認的一對。有傳Baby「升呢」到日本發展後，與William聚少離多，終分手收場。Baby日前更在網誌以一句「該失去的始終會失去」來暗示分手，ontv翌日即直擊William出席活動，望他能對分手之說交代清楚。

刻意擠出笑容

全程刻意擠出笑容的William，企圖掩飾情傷。他坦言沒睇Baby網誌，只從ontv得知「失去論」。他說：「唔睇佢個blog唔代表唔支持，已經冇睇一年。」問到Baby所指的「失去」是否他時，William說：「大家問佢，而唔係問我。我唔知佢失去乜，唔想猜測，唔想件事好似泥足深陷。」William說時語帶無限唏噓！

Baby在blog中寫明話要大個女，William對此謂：「當然希望佢大個女，人始終要大。」再問他有否失去愛情時？William則稱：「我失去咗個『情』，可以講係人情！對人間所有嘢，呢幾個月冇時間理，專注事業，所有同人相處都冇理會，放低晒！」

朋友關係沒變

William強調與Baby沒有分手，因為由始至終都是朋友。對於Baby指二人由好朋友變普通朋友，William亦唔執輸說：「唔知諗法係唔係同佢一樣 ，朋友關係冇變，可能係用詞唔同，自己唔敢講咁多。」

文：專案組