鄭伊健、彭氏兄弟前晚現身《風雲II》優先場，伊健獲知早前電影首映禮反應不俗，感到十分高興，覺得拍攝時辛苦都值得。記者問伊健，女友蒙嘉慧有沒有捧場？他說：「冇呀，佢忙緊開劇，等遲啲會同佢一齊睇，佢都係漫畫迷。」有指蒙嘉慧於新劇中飾演粗魯女子，與現實十分相同，伊健則直言：「人有好多面，佢以前做廣告幕後，工作經驗累積係咁，平時就一時時啦。」
16萬一對魔眼
伊健在《風雲II》入魔之造型，需要佩戴特製隱形眼鏡，單單一對便需二萬多美金（約港幣十六萬元），以防不時之需，電影公司特別訂了十多對作備用，可說是該片體積最小，但費用最昂貴的一件道具！除此之外，入魔的一場戲，伊健需發出野獸般的叫聲，但因伊健受腰部舊患復發影響，嗌了多次導演都不肯收貨，直至到最後重拍時，伊健用盡全力地叫了出來，CUT機後即時倒地，把導演嚇了一跳。
諗過結婚生仔
伊健透露聖誕節要返內地擔任陳小春演唱會之嘉賓，對於小春傳出婚訊，伊健表示正探聽中，覺得對方若真的結婚應該會告訴他。
此外，昨日伊健、郭富城到台灣宣傳該戲，城城「例牌」不答有關熊黛林的問題，而伊健則自己跟蒙嘉慧有想過結婚生仔的事，但一切順其自然。
文：影視組